झापा / दैलेखको महाबुङ गाउँपालिका –४ फागुमा जिप दुर्घटना हुँदा एक जनाको मृत्यु भएको छ , भने अन्य छ जना घाइते भएका छन् ।
सदरमुकाम नारायण नगरपालिकादेखि महाबुङ गाउँपालिकाको कासीकाँध जाँदै गरेको वाग्मती प्रदेश ०१–०२६ च ५२६४ नम्बरको बोलेरो मंगलबार साँझ दुर्घटना भएको दैलेख प्रहरीले जनाएको छ । जिल्ला प्रहरी कार्यालय दैलेखका प्रहरी प्रमुख भुवनेश्वरप्रसाद शाहले दुर्घटनामा मृत्यु हुनेमा महाबुङ गाउँपालिका –५ का ४० वर्षीय रामबहादुर हमाल रहेको बताए । घाइते अन्य छ जनालाई उपचारका लागि अस्पताल पठाइएको भए पनि उनीहरूको परिचय खुलिसकेको छैन ।
