बिर्तामोड / मोरङ जहदा गाउँपालिका ४ रामचोक स्थित लोहन्द्रा पुल मुनि खोलामा घाईते भेटिएका साइकल यात्रीको मृत्यु भएको छ । मृत्यु हुनेमा ३५ वर्षीय राजेश ऋषिदेव रहेका छन् ।
हिजो बेलुका पौने ७ बजे ऋषिदेव घाईते अवस्थामा रहेको जानकारी पाए लगत्तै सिमा प्रहरी चौकी पोखरियाबाट प्रहरी टोली खटि गई घाइतेलाई उद्धार गरि उपचारको लागी कोशी अस्पताल विराटनगर पठाइएको थियो ।
घाईते ऋषिदेवको उपचारको क्रममा पौने ८ बजे मृत्यु भएको हो । घटना सम्बन्धमा थप अनुसन्धान भइरहेको इलाका प्रहरी कार्यालय रङ्गेलीले जनाएको छ ।
