जन्ती / बोकेको ट्याक्टर दुर्घटना हुँदा उदयपुरमा एक जनाको मृत्यु भएको छ भने, १९ जना घाइते भएका छन्।
उदयपुरगढी गाउँपालिका-७ नागबेलीस्थित मदनभण्डारी लोकमार्गमा बिहीबार बिहान करिब १० बजे ट्याक्टर दुर्घटना भएको जिल्ला प्रहरी कार्यालय उदयपुरका प्रहरी नायब उपरीक्षक बेदप्रसाद गौतमले जानकारी दिएका हुन्।
त्रियुगा नगरपालिका-१६ रातापानीबाट नेपालटारतर्फ विवाहको जन्ती बोकेर जाँदै गरेको प्र २ -०१-००१ त १०९६ नम्बरको ट्याक्टर आफैं अनियन्त्रित भई सडकमा पल्टिएर दुर्घटना भएको थियो । दुर्घटनामा परी त्रियुगा-१४का १९ वर्षीय मिलन मग्रातीको घटनास्थलमै मृत्यु भएको प्रहरी नायब उपरीक्षक गौतमले बताएका छन्।
घाइतेको उद्धार गरी जिल्ला अस्पताल गाईघाट उदयपुर लगिएको र थप अनुसन्धान अघि बढाएको प्रहरीले जनाएको छ ।
