बिर्तामोड / सुनसरीको कोशी गाउपालिका ६ स्थित पूर्व पश्चिम राजमार्गमा स्कारपियो दुर्घटना हुँदा स्कारपियोमा सवार १ जनाको मृत्यु भएको छ भने ५ जना घाईते भएका छन् ।
मृत्यु हुनेमा सप्तरी हनुमाननगर कंकालिनी नगरपालिका ५ बस्ने ५० वर्षीय दिलिप मण्डल रहेका छन् भने घाईते हुनेहरूमा कंकालिनी नगरपालिका ५ कै ६० वर्षीय लक्ष्मण साफी, ३६ वर्षीय राजेश मेहता, ४४ वर्षीय राम कुमार रजक, ४८ वर्षीया राम कुमारी देवी रजक र ५० वर्षीय उमेश कुमार साफी रहेका छन् ।
घाईतेहरुको जिल्ला अस्पताल इनरुवा सुनसरीमा उपचार भई रहेको छ । हिजो राती ९ बजे पश्चिमबाट पुर्बतर्फ आँउदै गरेको प्रदेश नं २-०१-००१ च ००३१ नम्बरको स्कारपियो गाडी रोकी राखेको बिआर ०१-जिए -४४८३ नम्बरको भारतीय ट्रक ठक्कर खाई अनियन्त्रित हुँदा पूर्वबाट पश्चिम तर्फ जादै गरेको ना ७ ख ५८३ नम्बरको ट्रकमा समेत स्कारपियो ठक्कर खाई दुर्घटना भएको थियो ।
दुर्घटनामा संलग्न तीनवटै सवारी साधन नियन्त्रणमा लिई थप अनुसन्धान भइरहेको जिल्ला प्रहरी कार्यालय सुनसरीले जनाएको छ ।
