बिर्तामोड / मोरङको बेलबारी नगरपालिका १ सिनेमा हल अगाडिबाट आइतबार बिहान हराएको कार खोजतलास गर्ने क्रममा हराएको कार र लागूऔषध सहित ३ जनालाई प्रहरीले सोही दिन पक्राउ गरेको छ ।
आइतबार बिहान ८ बजे मोरङको बेलबारी नगरपालिका ३ का ४३ वर्षीय रिक्तमान गुरुङले बेलबारी १ सिनेमा हल अगाडि पार्किङ गरी राखेको अवस्थामा प्रदेश ३-०१-०२५ च ९७५० नम्बरको कार हराएको भनी इलाका प्रहरी कार्यालय बेलबारीमा हुलिया निवेदन दिएकोमा खोजतलास गर्ने क्रममा सोही दिन दिउँसो सुन्दरहरैचा नगरपालिका-७ विश्वकर्मा मन्दिरबाट उक्त कार फेला परेको थियो ।
कार फेला परे सँगै उक्त कारमा रहेका बेलबारी नगरपालिका-३ का ३६ वर्षीय सुरज गुरुङ , केरावारी -१० का २५ वर्षीय तेज कुमार मगर र केराबारी-७ का २६ बर्षीय नगेन्द्र लिम्बुलाई नियन्त्रणमा लिई उक्त कार चेकजाँच गर्ने क्रममा बिभिन्न किसिमका लागूऔषध बरामद भएको थियो ।
लागूऔषध सहित पक्राउ परेका उनीहरूको थप अनुसन्धान कार्य भइरहेको इलाका प्रहरी कार्यालय बेलबारीले जनाएको छ ।
