झापा / रूपन्देहीको बुटवल तामनगरमा सडकमा रोकिराखेको ट्रकमा कार ठोक्किँदा कारमा सवार तीन जनाको मृत्यु भएको छ । दुर्घटनामा कारमा सवार २ जना गम्भीर घाइते भएका छन् ।
बुटवल उपमहानगरपालिका वडा नं १२ तामनगर नजिक पूर्व-पश्चिम राजमार्गमा रोकिराखेको लु २ ख ९७७२ नम्बरको ट्रकमा लु ३ च ४४४२ नम्बरको कार सोमबार बिहान ठोक्किएको थियो ।
बिहान ५ बजेतिर भएको दुर्घटनामा परी बुटवल-१३ का अन्दाजी २७ र २८ वर्षीय सविन चौधरी, सोही स्थानकै गोविन्द चौधरी र नवीन श्रेष्ठको मृत्यु भएको प्रहरीले जनाएको छ ।
दुर्घटनामा सोही स्थानका भागिरथ चौधरी र बुटवल १२ का अनिष जिसी घाइते छन् । चौधरीको अवस्था गम्भीर र जिसीको अवस्था सामान्य रहेको प्रहरीले जनाएको छ । घाइतेहरूको लुम्बिनी प्रादेशिक अस्पताल बुटवलमा उपचार भइरहेको छ ।
