काठमाडौं / काठमाडौंमा लागूऔषधसहित दुई जना पक्राउ परेका छन् ।
पक्राउ पर्नेमा भारत बिहार राज्य मोतिहारी जिल्लाका २७ वर्षीय पवनकुमार दास र सप्तरीका मुकेश शाह रहेका छन् ।
दुवै जनालाई चन्द्रागिरि नगरपालिका -२ स्थित नागढुङ्गाबाट पक्राउ गरिएको हो । दास बाराबाट र शाह राजविराजबाट काठमाडौं आउँदै थिए ।
चेकजाँचको क्रममा प्रहरीले दासको झोलामा डाइजेपाम, नोफिन र फेनारगन ३०० एम्पुल तथा शाहको झोलाबाट नाइट्राभेट ५९६ थान फेला पारेको थियो ।
प्रहरीले दुवै जनालाई नियन्त्रणमा लिई आवश्यक कारबाही गरिरहेको छ ।
