बिर्तामोड / झापाको मेचीनगर नगरपालिका ६ मेचिपुलबाट प्रहरीले नियन्त्रित लागूऔषध सहित १ जनालाई पक्राउ गरेको छ ।
पक्राउ पर्नेमा मेचिनगर ११ का २३ वर्षीय सेवन उराव रहेका छन । सोमबार दिउँसो साढे १ बजे इलाका प्रहरी कार्यालय काँकडभिट्टा र लागूऔषध नियन्त्रण ब्युरो काँकडभिट्टाबाट खटिएको प्रहरी टोलीले चेकजाँचको क्रममा भारतबाट नेपालतर्फ पैदल आँउदै गरेको अवस्थामा उरावलाई ६ ग्राम लागूऔषध ब्राउनसुगर सहित नियन्त्रणमा लिएको हो ।
लागूऔषध सहित पक्राउ परेका उरावको सम्बन्धमा थप अनुसन्धान भइरहेको इलाका प्रहरी कार्यालय काँकडभिट्टाले जनाएको छ ।
