झापा / पर्सा प्रहरीले बालिका अपहरण गरि हत्या गरेको आरोपमा एक जनालाई पक्राउ गरेको छ । पक्राउ पर्ने वीरगन्ज महानगरपालिका– १६ का ४० वर्षीय मोतीलाल प्रसाद कुर्मी रहेका छन् ।
जिल्ला प्रहरी कार्यलय पर्साका प्रहरी नायब उपरीक्षक ओम प्रकाश खनालका अनुसार कुर्मीले वीरगन्ज महानगरपालिका वडा नम्बर– १५ भिस्वामा डेरा गरि बस्ने सरोज कुशुवाहाकी १० वर्षीय बालिका रिजवाना महतोको हत्या गरेका थिए ।
आरोपित कुर्मीले अवैध सम्बन्ध लुकाउने उद्देश्यले बालिकाको अपहरण गरि हत्या गरेको अनुसन्धान मार्फत खुलेको डीएसपी खनालले जानकारी दिए ।
गत पुष २४ गते बिहान ०९ः ३० बजे वीरगञ्ज महानगरपालिका वडा नं१६ कञ्चनजंगा स्कुल नजिक नयाँ निर्माणाधीन भवनको उत्तरपट्टिको चेपमा रिजवाना महतोको टाउकोमा ढुङ्गा प्रहार भएको अवस्थामा शव फेला परेको थियो ।
पक्राउ परेका पटेलमाथि अपहरण तथा कर्तव्य ज्यान मुद्दामा अनुसन्धान भइरहेको डीएसपी ओमप्रकाश खनालले जानकारी दिए ।
