बिर्तामोड / सुनसरीको दुहबी नगरपालिका ५ दुहबी स्थितबाट लागूऔषध सहित ३ जनालाई प्रहरीले पक्राउ गरेको छ ।
पक्राउ पर्नेमा इटहरी उपमहानगरपालिका -३ का २८ वर्षीय सूर्य घिमिरे, २३ वर्षीय नवराज लिम्बू र इटहरी १७ का २० वर्षीय बिमल केसी रहेका छन ।
हिजो बेलुका ५ बजे सीआरभी पोष्ट दुहबीबाट खटिएको प्रहरी टोलीले कोशी राजमार्गमा विराटनगरबाट इटहरीतर्फ जादै गरेको सार्वजनिक बस चेकिङ गर्ने क्रममा उनिहरुलाई लागूऔषध सहित पक्राउ गरिएको हो । पक्राउ परेका तिनै जनालाई इलाका प्रहरी कार्यालय दुहबीबाट थप अनुसन्धान भइरहेको छ ।
