झापा / म्याग्दीको बेनी नगरपालिका –६, ज्यामुनाखर्कमा शनिबार साँझ आगलागी हुँदा एकतले घर जलेर नष्ट भएको छ । अचानक आगलागी हुँदा स्थानीय रामचन्द्र खत्रीको कच्ची घर पूर्ण रुपमा जलेर नष्ट भएको थियो ।
आगलागीबाट घरभित्र रहेका सुन र चाँदीका गरगहना, नगद, लत्ताकपडा, भाँडावर्तन र अन्नपातको क्षति भएको वडाध्यक्ष कृष्णसिंह बानियाँले बताए । उनका अनुसार आगलागीबाट करिब १५ लाख बराबरको क्षति भएको छ । आगलागी नियन्त्रणका लागि अर्थुङ्गेमा रहेको नेपाली सेनाको टोलीसहित स्थानीय बासिन्दा मिलेर आगो नियन्त्रणमा गरिएको थियो । आगलागी विद्युत सर्टबाट भएको प्रहरीको प्रारम्भिक अनुसन्धानबाट देखिएको छ ।
