बिर्तामोड / सकारात्मक परिवर्तनको लागि नेतृत्व गर्दै आइरहेका राष्ट्रिय युवा संघ नेपाल र अनेरास्ववियु बुद्धशान्तिको संयुक्त आयोजनामा निशुल्क माक्स वितरण कार्यक्रम सम्पन्न भएको छ ।
युवा संघ र अनेरास्ववियुले आज शनिबार कोभिड –१९ न्यूनीकरण र सचेतनाका लागि बुद्धशान्ति गाउँपालिका –७ स्थित जोरकलसमा एक हजारप्रति माक्स वितरण गरेको हो ।
कोरोना भाइरस संक्रमण तिव्र गतिमा फैलिरहेकाले हरेक जनमानसले मास्कको प्रयोग गर्नु आजको आवश्यकता रहेको भन्दै मास्क नलगाई हिडिँरहेका व्यक्तिहरुलाई रोकेर मास्क वितरण गर्नुको साथै सम्झाई बुझाई गरिएको थियो ।
आफै सचेत नभए सम्म कोरोनाबाट बच्न नसकिने, स्वास्थ्य रहन एउटा सन्देश दिनका लागि प्रतिनिधी मुलक कार्य माक्स वितरण गरिएको राष्ट्रिय युवा संघका सदस्य मन्जिल पाठकले बताए ।
उक्त कार्यक्रममा राष्ट्रिय युवा संघका अध्यक्ष सुजन भण्डारीले बाटोमा अधिकांस मानिसहरु मास्क विना हिडिरहेकाले तिनै व्यक्तिहरुबाट संक्रमण फैलिने बताउँदै मास्क वितरण कार्यक्रम संचालन गरिएको बताए ।
कार्यक्रममा सुरक्षाकर्मीहरु सहित २५ जना युवाहरुको सहभागिता रहेको थियो ।
