बिर्तामोड / झापाको कनकाई नगरपालिका –७ दुर्गापुरमा ट्रयाक्टरले किचेर दुई वर्षीया बालिकाको मृत्यु भएको प्रहरीले जनाएको छ । मृत्यु हुनेमा दुई वर्षीया आरुची दुलाल रहेकी छिन् ।
बुबा बालकृष्णले चलाएको मे १ त ७५९ नं को ट्रयाक्टरले किच्दा उनी गम्भीर घाइते भएकी थिइन् ।
घरअगाडि पार्किङ गरेर राखिएको ट्रयाक्टर स्टाट गर्ने क्रममा ट्र्याक्टरमुनि खेल्दै गरेकी आरुची घाइते भएकी हुन् ।
उनलाई तत्काल उपचारका लागि बिर्तामोडस्थित विर्तासिटी अस्पताल लगिएको थियो । उनको उपचारकै क्रममा मृत्यु भएको जिल्ला प्रहरी कार्यालयका प्रवक्ता वसन्त पाठकले जानकारी दिए ।
