काठमाडौँ / सर्लाहीको हरिवन नगरपालिका –९ सुकेपोखरीमा बस र ट्याक्टर ठोक्किँदा २४ जना घाइते भएका छन् ।
भैरहवाबाट वीरगञ्ज आउँदै गरेको लु २ ख ४७५७ नम्बरको बस र ज २ त ७८१ नम्बरको ट्याक्टर एक आपसमा ठोक्किएर दुर्घटना भएको हो ।
प्रहरीका अनुसार दुर्घटनामा घाइतेमध्ये रूपन्देहीकी २५ वर्षीया कृतिका चौधरीको अवस्था गम्भिर छ ।
उनलाई उपचारका लागि वीरगञ्ज पठाइएको छ । अन्य घाइतेहरूको जिल्लाका बिभिन्न अस्पतालमा उपचार भइरहेको छ ।
