भोजपुर / भोजपुरको केराबारी गाउँपालिका –१० बाट ब्राउन सुगरसहित प्रहरीले दुई जनालाई पक्राउ गरेको छ ।
पक्राउ पर्नेमा केरावारी गाउँपालिका –१० का २९ वर्षीय सुमन तामाङ र धर्मदेवी नगरपालिका –५ का ३७ वर्षीय दल बहादुर तामाङ रहेका छन् ।
विशेष सूचनाको आधारमा जिल्ला प्रहरी कार्यालय भोजपुरबाट खटिएको प्रहरी टोलीले उनीहरूलाई पक्राउ गरेको हो । पक्राउ परेकाहरूको साथबाट प्रहरीले २ ग्राम ब्राउनसुगर बरामद गरेको छ ।
