इलाम / इलाममा जिप दुर्घटना हुँदा दुई जनाको मृत्यु भएको छ ।
मृत्यु हुनेमा झापाको मेचीनगर नगरपालिका –४ बस्ने ५५ वर्षीय रमेश थापा र सोही स्थानका ४० वर्षीय सूर्यबहादुर थापा रहेका छन् ।
बिहीबार बिहान झापाबाट इलाम जाँदै गरेको प्रदेश १–०१–००१ च ७९१६ नम्बरको पिकअप मेची राजमार्ग अन्तर्गत रोङ गाउँपालिकामा आफै अनियन्त्रित भई सडकदेखि करिव पाँच सय मिटर तल झरेर दुर्घटना भएको जिल्ला प्रहरी कार्यालयका सूचना अधिकारी गङ्गाबहादुर थापाले जानकारी दिए ।
थापाका अनुसार जिप चालक मेचीनगर –४ का ३३ वर्षीय अर्जुन कोइरालासमेत गम्भिर घाइते भएको बताइएको छ। उनलाई उपचारका लागि झापाको विएण्डसी अस्पताल लगिएको छ ।
