बारा / बारामा भारतीय नम्बर प्लेटको स्कार्पियोले मोटरसाइकललाई ठक्कर दिँदा दुई जनाको मृत्यु भएको छ ।
स्कार्पियोको ठक्करबाट मोटरसाइकलमा सवार कलैया उपमहानगरपालिका –५ का ४० वर्षीय नरेश साह र ५५ वर्षीय शीतल साहको मृत्यु भएको जिल्ला प्रहरी कार्यालय बाराका प्रवक्ता प्रहरी नायब उपरीक्षक राजेश थापाले जानकारी दिए ।
थापाका अनुसार कलैया–वीरगञ्ज सडक खण्डको कलैया –५ स्थित विजय आयल स्टोर अगाडि बीआर ०५ एआर ५१५१ नम्बरको स्कार्पियोले गएराति ना ८ प ८८६३ नम्बरको मोटरसाइकललाई ठक्कर दिएको थियो ।
स्कार्पियोको ठक्करबाट गम्भीर घाइते भएका उनीहरूको नेशनल मेडिकल कलेजमा उपचारका क्रममा गएराति साढे १० बजे मृत्यु भएको प्रहरीले जनाएको छ ।
