बिर्तामोड / झापाको दमक –३ दुम्सेमा जङ्गली हात्तीको आक्रमणबाट गए राति एक वृद्धको मृत्यु भएको छ । मृत्यु हुनेमा दमक –३ गोलाटारका ६२ वर्षीय गणेश अधिकारी रहेका छन ।
वडाध्यक्ष नवीन बरालका अनुसार मकै लगाएको खेतमा पानी हाल्न कुलोमा गएका बेला अधिकारीलाई हात्तीले आक्रमण गरेको हो । आक्रमणबाट उनको घटनास्थलमै ज्यान गएको थियो । दुई वर्षपछि दमकमा हात्तीले फेरि मान्छेको ज्यान लिएको वडाध्यक्ष बरालले बताए ।
