बारा / बारामा बेहुली लिन हिँडेको रथ पल्टिँदा दुई जनाको मृत्यु भएको छ भने १४ जना घाइते भएका छन् ।
मृत्यु हुनेमा कोटवाल गाउँपालिका –३ की १५ वर्षीया निलमकुमारी राम र सिम्रौनगढ नगरपालिका –७ की २३ वर्षीया शैलकुमारी राम रहेका छन् ।
सोमबार बेलुका साढे ७ बजे आदर्श कोटवाल गाउँपालिका –३ आदर्शकोतवालका सियाराम महराको घरबाट बेहुली लिन हिँडेको रथ अनियन्त्रित भई दुर्घटना भएको हो ।
स्थानीयहरूका अनुसार उक्त रथमा बेहुला चढ्नुअघि नै दुर्घटना भएको थियो । दुर्घटनापछि स्थानीयहरूले घाइतेको उद्वार गरी अस्पताल पुर्याएका थिए ।
घाइते १४ जनाकै बारा र पर्साका विभिन्न अस्पतालमा उपचार भइरहेको जनाईएको छ।
