एजेन्सी / एक प्रेमीले आफ्नो प्रेमिकाकी आमालाई मृगौला दान गरेको एक महिना नबित्दै प्रेमिकाले अर्कै युवकसँग विवाह गरेकी छिन् । आफ्नै आमालाई मिर्गौला दिने शिक्षकसमेत रहेका प्रेमीलाई धोका दिएर प्रेमिका अर्कैसँगै विवाह गरेकी हुन् ।
उक्त रहस्य सामाजिक सञ्जाल टिकटकबाट खुलासा भएपछि बेलायती पत्रिका द सनले समेत स्टोरी छापेको छ । उजील मार्टिज नाम गरेका प्रेमीले प्रेमिकाको नाम उल्लेख नगरी सामाजिक सञ्जालमा उक्त घटना सार्वजनिक गरेका छन् ।
उनले सोफामा सुतिरहेको बेला निराश हुँदै गरेको भिडियो टिकटक मार्फत सार्वजनिक गरेका छन् । १६.६ मिलियन पटक हेरिएको उक्त भिडियोको कमेन्टमा उनलाई सहानुभूति प्रकट गर्नेहरूको लहर नै चलेको छ ।
