बिर्तामोड / उदयपुरको कटारी नगरपालिका ४ स्थित सिद्धिचरण राजमार्गमा बलेरो गाडी दुर्घटना हुँदा १ जनाको मृत्यु भएको छ भने ५ घाईते भएका छन ।
मृत्यु हुनेमा कटारी ८ का ३८ वर्षीय बिक्रम राना मगर रहेका छन । हिजो बेलुका ५ बजे कटारीबाट मरुवातर्फ जादै गरेको बा १० च ४१८८ नम्बरको बोलेरो गाडी आफै अनियन्त्रित भई दुर्घटना हुँदा गाडीमा सवार रहेका ६ जना घाईते भई कटारी अस्पतालमा उपचार भइरहेकोमा मगरको उपचारको क्रममा मृत्यु भएको हो ।
बोलेरो चालक कटारी ८ का प्रेम बहादुर श्रेष्ठ तत्काल फरार रहेकोले खोज तलास तथा दुर्घटना सम्बन्धमा इलाका प्रहरी कार्यालय कटारीबाट थप अनुसन्धान भइरहेको छ ।
