पोखरा / तनहुँको बन्दीपुरमा जिप पल्टिँदा नौ महिनाकी बालिकासहित ६ जनाको मृत्यु भएको छ भने आठ जना घाइते भएका छन् ।
९ महिने बालिका आरुबी थापा, २४ वर्षीय रोशन गुरुङ, ५३ वर्षीय हरिबहादुर न्यौपाने, ४८ वर्षीय सुशीलादेवी न्यौपाने, ४८ वर्षीय सन्तबहादुर गुरुङ र ५० वर्षीय विमाया गुरुङको मृत्यु भएको हो ।
आँबुखैरेनी घुमाउनेबाट साराङघाट हुँदै बन्दीपुर जाँदै गरेको ग१ज ६५५५ नम्बरको जिप वडा नम्बर ६ हटिया नजिकै बाक्से भन्ने ठाउँमा भीरबाट खसेको जिल्ला प्रहरी कार्यालय तनहुँले जनाएको छ ।
जिप दुर्घटना हुँदा चार जनाको घटनास्थलमै मृत्यु भएको र बाँकी दुई जनाको उपचारका लागि बन्दीपुर अस्पताल पुर्याउँदै गर्दा मृत्यु भएको बन्दीपुर गाउँपालिका अध्यक्ष पूर्णसिंह थापाले बताए ।
घाइते ८ जनाको थप उपचारका लागि चितवन रिफर गरिएको पालिका अध्यक्ष थापाले जानकारी दिए ।
