बिर्तामोड / धादिङको रुबी भ्याली गाउँपालिकामा पहिरो जाँदा डोजर सहित तीन जना बेपत्ता भएका छन् । रुबीभ्याली गाउँपालिका–१ मा बाटो खन्ने क्रममा आज बिहान पहिरो जाँदा उनीहरु बेपत्ता भएका हुन् ।
बेपत्ता हुनेहरूमा डोजरका चालक, सहचालक र उपभोक्ता समितिका एक जना रहेको जिल्ला प्रहरी कार्यालय धादिङका एसपी राकेश सिंहले
जानकारी दिएका छन् ।
घटनाको विस्तृत विवरण नआएको र उद्धार तथा बेपत्ताको खोजीका लागि प्रहरी परिचालन गरिएको पनि एसपी सिंहले जानकारी दिएका छन् ।
सेर्तुङ प्रहरी चौकीबाट घटनास्थल चार घण्टाको पैदल दूरीमा पर्ने समेत जनाइएको छ ।
