झापा / शुक्रबार पाल्पा एक महिला मृत फेला परेकी छन् ।
जिल्लाको तानसेन नगरपालिका – ६ कुनसरे निवासी कृष्णबहादुर थापाकी ६५ वर्षीया श्रीमती सरस्वती थापा घर देखि करिब १ सय ५० मिटर तल दक्षिण भीरमा मृत फेला परेकी हुन् ।
शुक्रवार बिहान उनका ३६ वर्षीय छोरा गणेश थापा आमाको घरमा चिया लिएर जाँदा ढोका र आमाको बिस्तरा रगत देखिएको र खोजतलास गर्दै जाँदा उक्त स्थानमा मृत फेला देखिएको बताएको पाल्पाका प्रहरी प्रवक्ता डीएसपी रामेश्वर त्वातीले जानकारी दिए ।
प्रहरी घटनास्थलमा पुगेर अनुसन्धान गरिरहेको उनले बताएका छन् । उनका श्रीमानको मृत्यु भई सकेको र उनी घरमा एक्लै बस्ने गरेको र घटना शङ्कास्पद रहेकोले अनुसन्धानबाट पत्ता लाग्ने डीएसपी त्वातीको भनाई छ ।
