झापा / सङ्खुवासभाको खाँदबारी नगरपालिका १ बसपार्क स्थित सडक किनारमा वेवारिसे अवस्थामा रहेको अवैध औषधी तथा क्लिप प्रहरीले बरामद गरेको छ ।
पौष २१ गते बस पार्क स्थित सडक किनारमा बेवारिसे अवस्थामा अवैधरुपमा भन्सार छली ल्याएको रुद्राक्षको दाना च्याप्न प्रयोग गरिने क्लिप १२ बोरा ९५२० पिस कृषि बालीमा प्रयोग हुने औषधी ४ कार्टुन फेला परेको हो ।
जिल्ला प्रहरी कार्यालय संखुवासभा बाट खटिएको प्रहरी गस्ती टोलीले बसपार्क स्थित सडक किनारबाट उक्त अवैध औषधी तथा क्लिप अन्दाजी मूल्य ३ लाख ६३ हजार २ सय ५० रुपैयाँ बराबरको सामान बरामद गरेको हो । बरामद गरिएका अवैध सामानहरूलाई राजश्व अनुसन्धान कार्यलय इटहरी सुनसरीमा पठाइएको जिल्ला प्रहरी कार्यालय सङ्खुवासभाले जनाएको छ ।
