झापा / झापाको कचनकवल गाउँपालिका ५ बाट नियन्त्रित लागूऔषध ब्राउनसुगर सहित २ जना पक्राउ परेका छन् ।
उक्त गाउँपालिकाको फुटागंज क्षेत्रबाट लागूऔषध ब्राउनसुगर ओसार पसार भइरहेको भन्ने विशेष सूचनाका आधारमा प्रहरी चौकी पाठामारीबाट खटिएको प्रहरी टोलीले कचनकवल गाउँपालिका ७ का २४ वर्षीय बिनोद बस्नेत र १८ वर्षीय निखिल रेग्मीलाई ५ ग्राम ६० मिलिग्राम लागूऔषध ब्राउनसुगर सहित मंगलबार बेलुका ५ बजे पक्राउ गरेको हो ।
लागूऔषध सहित पक्राउ परेका दुबै जनाको सम्बन्धमा प्रहरीले थप अनुसन्धान गरिरहेको छ ।
