झापा / दाङमा गाडीको ठक्करबाट एक जनाको मृत्यु भएको प्रहरीले जनाएको छ ।
शुक्रबार बिहान चार बजेतिर गाडीले ठक्कर दिँदा दंगीशरण गाउँपालिका ६ का ३२ वर्षीय सुमन केसीको मृत्यु भएको इलाका प्रहरी कार्यालय तुलसीपुरका प्रमुख डीएसपी श्याम अर्यालले जानकारी दिए ।
उनका अनुसार केसीलाई कुन गाडीले ठक्कर दिएको हो भन्ने खुल्न सकेको छैन । सडकमा घाइते अवस्थामा भेटिएका केसीलाई राप्ती प्रादेशिक अस्पताल तुलसीपुर लैजाँदै गर्दा बाटोमा मृत्यु भएको डीएसपी अर्यालले बताए ।
केसीको शव पोस्टमार्टमका लागि राप्ती प्रादेशिक अस्पताल पठाइएको छ ।
ठक्कर दिने गाडीको खोजी भइरहेको प्रहरीले जनाएको छ ।
