- डा. राजेन्द्र शर्मा
तपाइलाई राम्रो थाह छ,
ऊ हत्यारा हो
तपाइले मज्जाले चिन्नुभको छ,
ऊ चोर हो
तर तपाइको केही लाग्दैन, किनकि
ऊ तपाइको नेता हो ।
तपाइलाई राम्रो थाह छ,
ऊ पढेको छैन
तपाइ राम्रोसंग जान्नुहुन्छ,
ऊ साँचो बोल्दैन
तर तपाइको केही लाग्दैन, किनकि
ऊ तपाइको नेता हो ।
तपाइलाई प्रष्ट थाह छ,
ऊ गुण्डा पाल्छ
तपाइ राम्ररी जान्नुहुन्छ,
ऊ घुस्याहा हो
तर तपाइको केही लाग्दैन, किनकि
ऊ तपाइको नेता हो ।
तपाइलाई एकदम थाह छ,
ऊ पापी छ
तपाइले यो पनि बुझ्नुभाको छ,
ऊ दलाल हो
तर तपाइको केही लाग्दैन, किनकि
ऊ तपाइको नेता हो ।
तपाइ बोल्नै सक्नुहुन्न,
ऊ बलात्कारी हो
तपाइको विवेकले भन्छ,
ऊ देशद्रोही हो
तर तपाइको केही लाग्दैन, किनकि
ऊ तपाइको नेता हो ।
तपाइलाई राम्ररी थाह छ,
ऊ तस्करीको कमिसन खान्छ
तपाइले बुझिसक्नु भएको छ,
ऊ कालोधन कमाउँछ
तर तपाइको केही लाग्दैन, किनकि
ऊ तपाइको नेता हो ।
तपाइ र तपाइहरूको भीडमा
म पनि सामेल छु ।
र, म पनि प्रष्ट जान्दछु
उनीहरू चोर्छन् ( घोटाला गर्छन्
शहरमा आलिशान बङ्गला बनाउँछन्
दुईचार लठैत अघिपछि राख्छन्
गाउँमा फार्म हाउस बनाउँछन्
तर तपाइको र मेरो केही लाग्दैन, किनकि
ऊ तपाइको र मेरो पनि नेता हो ।
