बिर्तामोड / खोप लगाएपछि शरीरमा विभिन्न प्रतिअसरहरु देखिने गर्छन्। त्यो असर सामान्यदेखि गम्भीर खालका हुन सक्छन्। तर हालसम्म कसैलाई पनि गम्भीर खालको असर नदेखिएको स्वास्थ्य तथा जनसंख्या मन्त्रालयले जनाएको छ ।
हालसम्म २ हजार १ सय ६७ जनालाई सामान्य प्रकारको असरहरु देखिएका छन्। ९ जनालाई उच्च ज्वरो देखिएको थियो। हाल उनीहरु सबैको स्वास्थ्य अवस्था सामान्य रहेको मन्त्रालयले बताएको छ।
खोप लगाएपछि हुन सक्ने सामान्य असरहरु :
- सुई लगाएको ठाउँमा दुख्ने, सुन्निने, रातो हुने
- थकाई र आलस्य महसुस हुने
- ज्वरो आउने तथा टाउको दुख्ने
- वाकवाकी हुने, वान्ता आउने
- माशंपेशी वा जोर्नी दुख्ने
- फ्लुको जस्तो लक्षण देखिने
यस किसिमको सामान्य असरहरुले खोप लिने व्यक्तिहरुको स्वास्थ्यमा गम्भिर असर पर्दैन । यी असरहरु विस्तारै आफैँ कम भएर जान्छन्।
गम्भीर असरहरु:
- सबै खोपहरु सुरक्षित हुन्छन्। यद्यपि खोपबाट विरलै मात्र हुने असरको रुपमा एनाफाइलाक्सिस हुन सक्छ।
- यो गम्भिर प्रकारको असर हो, जसलाई एजर्जीक प्रतिक्रिया भनिन्छ। यस प्रकारको असर देखा परेमा यसको तत्कालै उपचार र व्यवस्थापन गर्नुपर्दछ।
- प्रत्येक खोप केन्द्रमा एनाइफालेक्सिस व्यवस्थापन गर्न पूर्व तयारी गरिएको छ।
