चितवन / तत्कालीन सशस्त्र द्वन्द्वको समयमा माडीको बाँदरमुढे खोलामा भएको बम विस्फोटको आज १७ वर्ष पूरा भएको छ । घटना भएको झण्डै दुई दशक पुग्न लाग्दासमेत पीडितले अझै परिपूरण र औषधि उपचारको माग गर्दै हिँड्नुपर्ने बाध्यता रहेको छ । तत्कालीन नेकपा माओवादीले राखेको एम्बुसमा माडीको बगईबाट १५० जना यात्रु बोकेर नारायणगढतर्फ आउँदै गरेको ना १ ख ३२४५ नम्बरको यात्रुबाहक बस दुर्घटना हुँदा ३८ जनाको मृत्यु भएको थियो भने ७२ घाइते भएका थिए ।सोही घटनामा पीडित बनेका माडी नगरपालिका– का कृष्ण अधिकारी अहिलेसम्म पनि राज्यका तर्फबाट परिपुरणको व्यवस्था नहुनु दुःखद रहेको बताउँछन् । उनले भने, ‘घाईते हामी धेरै छौँ । जम
झापा / सर्लाहीको ब्रह्मपुरी गाउँपालिका- ४ स्थित सडकबाट स्रोत नखुलेको नगद ७ लाख ५० हजार रुपैयाँ सहित भारतीय नागरिक पक्राउ परेका छन् । पक्राउ पर्नेमा भारत सीतामढी ग्राम सोनबर्सा- २ बस्ने ४० वर्षीय विश्वनाथ महतो रहेको प्रहरीले जनाएको छ । भारतको सोनबर्साबाट नेपालतर्फ आउँदै गरेको बि आर ३० ई ३९१४ नम्बरको मोटरसाइकललाई प्रहरी चौकी त्रिभुवननगरबाट खटिएको प्रहरीले जाँच गर्ने क्रममा मोटरसाइकलमा लुकाई ल्याएको उक्त नगद फेला पारी चालक महतोलाई आइतबार दिउँसो पक्राउ गरेको हो । घटना सम्बन्धमा प्रहरीले थप अनुसन्धान गरिरहेको छ ।
बुटवल / रूपन्देहीको रोहिणी खोला पुलमा आइतबार बिहान भएको बस दुर्घटनामा मृत्यु भएका सबैको सनाखत भएको छ । जनकपुरबाट भैरहवा आउँदै गरेको लु २ ख ३८४१ नम्बरको यात्रुवाहक बस रोहिणी पुलबाट खोलामा खसेर दुर्घटना हुँदा नौ जनाको मृत्यु भएको थियो ।मृत्यु हुनेहरूमा रूपन्देहीको ओमसतिया गाउँपालिका –४ का ६५ वर्षका राजेन्द्र पाण्डे, तिलोत्तमा नगरपालिका –८ की ३७ वर्षकी तुलसी बस्याल, तिलोत्तमा –२, योगीकुटीका ५६ वर्षका विष्णु पौडेल, रौतहट चन्द्रनिगाहपुरका २० वर्षका दिनेश दास रहेका छन् ।यस्तै, बुटवल उपमहानगरपालिका –११ कालिकानगरका ४८ वर्षका कृष्णप्रसाद बस्याल, बुटवल उपमहानगरपालिका –६ आदर्शनगर बस्ने ४० वर्षक
काठमाडौँ / ललितपुरमा ७ वर्षीया बालिकालाई बलात्कार गरेको आरोपमा एक युवकलाई प्रहरीले पक्राउ गरेको छ । पक्राउ पर्नेमा महालक्ष्मी नगरपालिका -४ ईमाडोल अफलटोल बस्ने भारत घर भएका २५ वर्षीय सन्दिप कुमार शर्मा रहेको प्रहरीले जनाएको छ । शर्माले ती बालिकालाई बलात्कार गरेको भन्ने खबर प्राप्त हुनासाथ प्रहरी प्रभाग ईमाडोलबाट खटिएको प्रहरीले उनलाई आइतबार दिउँसो पक्राउ गरेको हो ।
एजेन्सी / युक्रेनलाई हराउँदै वेल्स ६४ वर्षपछि विश्व कपमा छनोट भएको छ । यूईएफए छनोट अन्तर्गत गएराति भएको प्ले अफ फाइनलमा वेल्सले युक्रेनलाई १-० गोल अन्तरले पराजित गर्यो ।खेलको ३४ औँ मिनेटमा युक्रेनका एन्ड्री यार्मोलेन्कोले गरेको आत्मघाती गोल नै वेल्सको जितका लागि निर्णायक बन्यो । जितसँगै सन् १९५८ पछि पहिलो पटक वेल्स विश्व कपमा छनोट भएको हो । अब वेल्सले समूह बी मा रहेर विश्व कप खेल्नेछ । यो समूहमा इङ्ग्ल्याण्ड, अमेरिका र इरान छन् ।
बिर्तामोड / सुनसरीको बराहक्षेत्र नगरपालिका -६ जब्दिमा करेन्ट लागेर एकजना महिलाको मृत्यु भएको छ । मृत्यु हुनेमा स्थानीय ३७ वर्षीया सरस्वती श्रेष्ठ रहेको प्रहरीले जनाएको छ । आइतबार बेलुका साढे ७ बजे घर अगाडि कलमा पानीको मोटर चलाई नुहाउने क्रममा करेन्ट लागी गम्भिर घाईते भएकी श्रेष्ठको घोपा धरानमा उपचार क्रममा आइतबार राती सवा ९ बजे मृत्यु भएको थियो । घटना सम्बन्धमा थप अनुसन्धान भइरहेको प्रहरीले जनाएको छ ।
काठमाडौँ / महानगरपालिकाले सार्वजनिक शौचालय पहिचानका लागि नीलो पृष्ठभूमिको संकेत चिन्ह तयार पारेको छ । सर्वसाधारण प्रयोगकर्तालाई सार्वजनिक शौचालय चिन्न सजिलो होस् भनेर संकेत चिन्ह तयार पारिएको हो । गोलो रेखाभित्र नीलो पृष्ठभूमि, त्यसको माथिल्लो भागमा नेपाली भाषामा सेतो अक्षरले ‘सार्वजनिक शौचालय’ लेखिएको छ । बीच भागमा सेतो रङमै महिला र पुरुषको चिन्ह रहेको छ । संकेत चिन्हको पुछारमा अंग्रेजी भाषामा ‘पब्लिक ट्वाइलेट’ लेखिएको छ । महानगर क्षेत्रभित्रका होटल, रेष्टुरेन्ट, बैङ्क, व्यापारिक भवन, कम्पनी, फर्म, गैर सरकारी संघ संस्थाका शौचालयलाई सार्वजनिक बनाउन इच्छुकहरूलाई महानगरको सार्वजनिक निज
झापा / हाल नेपालको पूर्वी भू–भागमा मनसुनी वायुको सामान्य प्रभाव तथा पश्चिमी भू–भागमा स्थानीय वायुको प्रभाव रहेको छ । उक्त मौसमी प्रणालीको प्रभावले प्रदेश १, बागमती र गण्डकी प्रदेशमा सामान्य बदली र बाँकी भूभागमा आंशिक बली भई प्रदेश १, बागमती र गण्डकी प्रदेशको केही स्थानमा वर्षा भइरहेको मौसम पूर्वानुमान महाशाखाले जनाएको छ । मौसम पूर्वानुमान महाशाखाका अनुसार दिउँसो प्रदेश १, बागमती र गण्डकी प्रदेशमा सामान्य बदली रही बाँकी भूभागमा आंशिक बदली रहनेछ ।प्रदेश १, बागमती र गण्डकी प्रदेशको केही स्थानमा तथा मधेस प्रदेशका थोरै स्थानमा मेघ गर्जन र चट्याङसहित हल्कादेखि मध्यम वर्षाको सम्भ
झापा / ओखलढुङ्गाको मोलुङ गाउँपालिका - ६ मङ्गलबारेमा रुखबाट लडेर एकजना महिलाको मृत्यु भएको छ । मृत्यु हुनेमा ५५ बर्षीया दुधमाया कट्वाल रहेको प्रहरीले जनाएको छ । आइतबार बिहान ८ बजे घरबाट अन्दाजी २ कि मि दक्षिणमा रहेको पाखाबारीमा बाझको रुखमा चढेर घास काट्ने क्रममा लडेर घटनास्थलमै मृत्यु भएको थियो ।
बिर्तामोड / मोरङको रतुवामाई नगरपालिका -१ हटियाडाँडा स्थित आमबारी कुटुमगञ्ज सडक खण्डमा मोटरसाइकल दुर्घटना हुँदा चालकको मृत्यु भएको छ । मृत्यु हुनेमा सुनवर्सी नगरपालिका -९ का २४ वर्षीय राज कुमार शर्मा रहको प्रहरीले जनाएको छ । मोटरसाइकल आफै अनियन्त्रित भई दुर्घटना हुँदा मोटरसाइकलको पछाडि सवार भारत अररिया जिल्ला कुसाकट्टा का २० वर्षीय किसन कुमार कामत सामान्य घाईते भएका छन् । आइतबार बेलुका साढे ५ बजे उत्तरबाट दक्षिण तर्फ जादै गरेको मे ४ प ४५५१ नम्बरको मोटरसाइकल आफै अनियन्त्रित भई दुर्घटना हुँदा गम्भिर घाईते भएका शर्माको रंगेली अस्पताल रङ्गेलीमा हिजै बेलुका सवा ६ बजे मृत्यु भएको हो ।
Copyright © 2021 / 2024 / Esoul Media (P) Ltd. / All Rights Reserved.
