काठमाडौं / हाल मनसुनको न्यून चापीय रेखा सरदर स्थानभन्दा केही दक्षिणतिर अवस्थित रहेको छ ।देशभर सामान्य देखि पूर्ण बदली रही प्रदेश १, बाग्मती र गण्डकी प्रदेशका केही र बाँकी प्रदेशका थोरै स्थानमा मेघगर्जन र चट्याङ सहित हल्कादेखि मध्यम वर्षा भइरहेको छ ।सोमबार देशको पहाडी भूभागका केही स्थानहरूमा र अन्य भूभागका थोरै स्थानहरूमा मेघ गर्जन र चट्याङसहित हल्कादेखि मध्यम वर्षाको सम्भावना रहेको छ । मंगलबार देशका केही स्थानहरूमा मेघ गर्जन र चट्याङसहित हल्कादेखि मध्यम वर्षाको सम्भावना रहेको छ ।प्रदेश १ र लुम्बिनी प्रदेशका तराई भूभागका एक वा दुई स्थानमा भारी वर्षाको पनि सम्भावना रहेको छ ।
अछाम / अछामको तुर्माखाँद –२ स्थित भुलुमा आइतबार राति पहिरोमा पुरिँदा एकै घरका तीन जनाको मृत्यु भएको छ ।जिल्ला प्रहरी कार्यालय अछामका अनुसार आइतबार राति १ बजे अमर विष्टको घर पहिरोमा पुरिँदा उनकी भाउजू ४५ वर्षीया हरिकला विष्ट, भाइ विरेन्द्र विष्ट र भतिज १५ वर्षीय संविधान विष्टको मृत्यु भएको हो । अमरकी ६५ वर्षीया आमा नैना विष्टको भने जीवितै उद्धार गरिएको र प्राथमिक उपचारपछि उनी सामान्य अवस्थामा रहेको अछामका प्रहरी नायब उपरीक्षक नारायण डाँगीले जानकारी दिए । पहिरोमा पुरिएर ५–६ वटा चौपाया पनि मरेका छन् । घरमूली अमर विष्ट भने कामका सिलसिलामा साँफेबगर गएका थिए ।
झापा / भक्तपुरमा मादक पदार्थ सेवन गरी प्रहरीलाई हातपात गरी अभद्र व्यवहार गरेको आरोपमा २ जना पक्राउ परेका छन् । सूर्यविनायक नगरपालिका- १ सिरूटार बस्ने ३६ वर्षीय प्रविण तखाछेँ श्रेष्ठ र अर्का १ जनालाई शनिबार राति प्रहरीले पक्राउ गरेको हो । बा ८३ प ७७६३ नम्बरको मोटरसाइकलमा मादक पदार्थ सेवन गरी सवार उनीहरूलाई सूर्यविनायक नगरपालिका- १ सिरुटार धन्सारचोकमा ड्युटीमा खटिएको प्रहरीले जाँच गर्ने क्रममा उनीहरूले प्रहरीमाथि नै हातपात गरेपछि प्रहरीले नियन्त्रणमा लिएको हो । पक्राउ परेका उनीहरूमाथि प्रहरीले थप अनुसन्धान गरिरहेको छ ।
झापा / सर्लाहीमा नेपाली नक्कली नोटसहित एकजना पक्राउ परेका छन् ।पक्राउ पर्नेमा भारतको सीतामढी सोनबर्षा परछुहिया–९ घर बताउने ४० वर्षीय लालमोहन पासवान छन् । हरिवन नगरपालिका–११ स्थित कार्की पुस्तक पसल अगाडिबाट एक हजार दरका ५० थान नक्कली नोटसहित उनी पक्राउ परेका हुन् ।इलाका प्रहरी कार्यालय हरिवनबाट खटिएको टोलीले उनलाई उक्त नोटहरू सहित पक्राउ गरि थप अनुसन्धान गरिरहेको प्रहरीले जनाएको छ ।
झापा / सर्वसाधारणको मोबाइलमा ह्वाट्सएप र फेसबुक मार्फत चिट्ठा पर्यो भन्दै म्यासेज पठाउने, अश्लिल सन्देश पठाउने र ठगी गर्ने गरेको आरोपमा १५० भन्दा बढी युवायुवती पक्राउ परेका छन् । प्रहरीका अनुसार रूपन्देहीको तिलोत्तमा नगरपालिका वडा नं -२ बाट ७ सञ्चालक सहित डेढ सय युवा युवती पक्राउ परेका हुन् । इलाका प्रहरी कार्यालय बुटवलका प्रमुख प्रहरी नायब उपरीक्षक ठगबहादुर केसीका अनुसार जानकीनगरमा -३ वटा फ्ल्याट भाडामा लिइ कार्यालय नै राखेर सर्वसाधारणलाई ठगी गर्ने गरेको प्रारम्भिक अनुसन्धानबाट खुल्न आएको छ । घटनाबारे थप अनुसन्धान भइरहेको प्रहरीले जनाएको छ ।
झापा / साउन १ गतेदेखि उदयपुरको त्रियुगा नगरपालिकाले ६० जना अस्थायी, ज्यालादारी र करारका कर्मचारीहरूको म्याद थप नगर्ने निर्णय गरेको थियो । निर्णयका आधारमा करार र अस्थायी कर्मचारीहरू स्वतः निष्कासनमा परेका छन् ।नगरपालिकाले करारमा कार्यरत कर्मचारीको म्याद थप नगरेपछि आन्दोलनमा उत्रिएका कर्मचारीको कारण सेवा प्रभावित भएको छ ।करार तथा अस्थायी कर्मचारीहरूको म्याद थप नगरेको विरोधमा पाँच दिनदेखि नगरपालिकाको मूलगेटमा ताला लागेको छ ।करार र अस्थायी कर्मचारीले आफ्नो म्याद थप गर्नुपर्ने माग गर्दै नगरपालिकाको मूलगेटमा धर्ना दिँदै आएका छन् । नगर प्रमुख बसन्तकुमार बस्नेतले आफ्ना माग नसुनेको र बिनाकार
काठमाडौं / भक्तपुरको भक्तपुर नगरपालिका –१ स्थित सल्लाघारीमा रुख ढलेर बस र स्कुटरलाई च्याप्दा तीन जनाको मृत्यु भएको छ ।प्रमुख जिल्ला अधिकारी रुद्रादेवी शर्माका अनुसार सल्लाको रूख ढलेर काठमाडौंबाट भक्तपुरतर्फ गइरहेको बा २ ख ३५८४ नम्बरको बस र बा ६१ प ३९७८ नम्बरको स्कुटरलाई च्याप्दा तीन जनाको मृत्यु भएको हो । मृत्यु हुनेमा एक जना नितेज खर्बुजा रहेको र अरु दुई जनाको पहिचान नभएको प्रजिअ शर्माले बताइन् । बसमा सवार अन्य १५ जना घाइते भएका प्रजिअ शर्माले जानकारी दिइन् । घाइतेहरूको भक्तपुरमा रहेको इवामुरा अस्पताल र भक्तपर अन्तराष्ट्रिय अस्पताल उपचार भइरहेको छ ।अहिले नेपाली सेनाले सडकमा ढल
विराटनगर / धनकुटा र सुनसरीका दुई छुट्टाछुट्टै स्थानहरूबाट दुई सय १२ केजी लागूऔषध गाँजा सहित २ जनालाई प्रहरीले पक्राउ गरेको छ ।शनिबार दिउँसो ३ बजे अस्थाई प्रहरी पोष्ट बेलहारा धनकुटाबाट खटिएको प्रहरी टोलीले छिन्ताङबाट धरान तर्फ जादै गरेको प्रदेश न १-०२-००१ ज ४०७७ नम्बरको बोलेरो गाडी चेकजाँच गर्ने क्रममा छतमा राखेको बोरामा ४ किलोग्राम गाँजा फेला पारेको थियो ।यसरी गाडीमा लागूऔषध गाँजा बरामद भएसँगै चालक शहिदभुमी गाउँपालिकापा- ५ का २१ वर्षीय मनोज परियारलाई नियन्त्रणमा लिई जिल्ला प्रहरी कार्यालय धनकुटाबाट थप अनुसन्धान भइरहेको छ ।यसैगरी सुनसरीको इनरुवा नगरपालिका- ४ बाट ठुलो परिमाणको गाँजा सहित १ जना प
काठमाडौं / सङ्घीय संसद् अन्तर्गतको प्रतिनिधिसभा बैठक सुरु भएको छ ।आइतबार दिउँसो १ बजेबाट सुरु भएको बैठकमा गृहमन्त्री बालकृष्ण खाणले ‘‘कारागार विधेयक, २०७८ लाई पारित गरियोस्’’ भनी प्रस्ताव प्रस्तुत गर्ने छन् ।सङ्घीय संसद्का महासचिव डा. भरतराज गौतमले आजको बैठकमा शिक्षा तथा स्वास्थ्य समितिका सभापति जयपुरी घर्तीले ‘‘योगमाया आयुर्वेद विश्वविद्यालय विधेयक सम्बन्धी समितिको प्रतिवेदन, २०७९’’ पेश गर्ने जानकारी दिए ।त्यस्तै, शिक्षा, विज्ञान तथा प्रविधिमन्त्री देवेन्द्र पौडेलले ‘‘मदन भण्डारी विज्ञान तथा प्रविधि विश्वविद्यालय विधेयक, २०७६ माथि राष्ट्रिय सभाबाट भएको संशोधनमाथि विचार गरियोस्’’ भनी प्र
एजेन्सी / भारतमा कोरोना सङ्क्रमितको संख्या दिन प्रति दिन बढिरहेको छ । पछिल्लो २४ घण्टामा कोरोनाका २१ हजार ८८० नयाँ संक्रमित थपिएका छन् । योसँगै भारतमा महामारी सुरु भएपछि कुल सङ्क्रमितको संख्या ४ करोड ३८ लाख ४७ हजार ६५ पुगेको छ ।पछिल्लो २४ घण्टामा मात्रै कोरोनाबाट ६० जनाको मृत्यु भएको छ । भारतमा अहिलेसम्मकोरोनाबाट ५ लाख २५ हजार ९३० जनाको मृत्यु भइसकेको छ ।केन्द्रीय स्वास्थ्य मन्त्रालयका अनुसार १ लाख ४९ हजार ४८२ जना कोरोनाका सक्रिय संक्रमित छन् । कुल सङ्क्रमितको शून्य दशमलव ३४ प्रतिशत सक्रिय संक्रमित छन् । मन्त्रालयका अनुसार कोरोना निको दर ९८ दशमलव ४६ प्रतिशत छ ।
Copyright © 2021 / 2024 / Esoul Media (P) Ltd. / All Rights Reserved.
