बिर्तामोड / प्रदेश १ का मुख्यमन्त्री राजेन्द्रकुमार राईलाई कोरोना संक्रमण भएको छ । सोमबार पीसीआर जाँच गर्दा उनलाई कोरोना संक्रमण देखिएको मुख्यमन्त्रीका प्रेस सल्लाहकार बन्धु पोखरेलले बताए ।मुख्यमन्त्रीसहित उनको परिवारका सदस्यहरू, सचिवालय, निवासका सुरक्षाकर्मी र कर्मचारीलगायत १६ जनाको सोमबार पीसीआर परीक्षण गरिएको थियो ।पीसीआर परीक्षण गर्दा मुख्यमन्त्रीसहित उनकी पत्नी शोभा पाठक र राजनीतिक सल्लाहकार जीवन राईमा संक्रमण देखिएको मुख्यमन्त्रीका प्रेस सल्लाहकार पोखरेलले बताए ।मुख्यमन्त्रीसहित तीनै जनाको स्वास्थ्य अवस्था सामान्य रहेको उनले बताए ।
बिर्तामोड / मोरङको जहदा गाउँपालिका- २ बाट नियन्त्रित लागूऔषध गाँजा सहित १ जनालाई प्रहरीले पक्राउ गरेको छ । पक्राउ पर्नेमा स्थानीय २५ वर्षीय मुकेश गुरुङ रहेका छन् । जहदा गाउँपालिका- २ हरिनगरा क्षेत्रबाट लागूऔषध गाँजाको ओसार पसार भइरहेको भन्ने विशेष सूचनाका आधारमा इलाका प्रहरी कार्यालय रानीबाट खटिएको प्रहरी टोलीले ३६ केजी गाँजा सहित गुरुङलाई मंगलबार बिहान राती साँढे १२ बजे पक्राउ गरेको हो । रातको समयमा प्लास्टिकमा गाँजा प्याक गरेर सिमा क्षेत्रबाट भारत तर्फ लैजाँदै गरेको अवस्थामा गुरुङ पक्राउ परेको तथा घटना सम्बन्धमा थप अनुसन्धान भइरहेको इलाका प्रहरी कार्यालय रानीले जनाएको छ ।
बिर्तामोड / झापाका दुई छुट्टाछुट्टै स्थानबाट अवैध रुपमा भारत तर्फ लैजाँदै गरेको ३३५ केजी सुपारी बरामद भएको छ । अवैध रुपमा सुपारी चोरी निकासी भइरहेको भन्ने सूचनाका आधारमा इलाका प्रहरी कार्यालय काँकडभिट्टाबाट खटिएको प्रहरी टोलीले मेचीनगर नगरपालिका- ६ बाट सोमबार बिहान १७५ केजी सुपारी बरामद गरेको तथा जिल्ला प्रहरी कार्यालय झापाबाट खटिएको प्रहरी टोलीले मेचीनगर- ६ बाटै १६० केजी सुपारी बरामद गरेको हो । बरामद भएको सुपारी आवश्यक कारवाहीको लागी मेची भन्सार कार्यालय बुझाइएको जिल्ला प्रहरी कार्यालय झापाले जनाएको छ । केही समय अगि मोरङ प्रहरीले विराटनगरबाट भारततर्फ लैजाँदै गरेको इन्डोनेसियाबाट आयातित ८ करोड
काठमाडौँ / देशभर मनसुनी प्रणाली सक्रिय रहँदा आज पनि देशैभरी भारी वर्षाको सम्भावना रहेको छ । मौसम पूर्वानुमान महाशाखाका अनुसार आज बिहानै देखि प्रदेश १, बागमती, गण्डकी प्रदेश, लुम्बिनी प्रदेशमा चट्याङ सहित मध्यम वर्षा भइरहेको छ भने दिउँसो देशका धेरै स्थानहरूमा चट्याङ्ग सहित हल्का देखि मध्यम वर्षाको सम्भावना रहेको छ ।प्रदेश १, मधेश प्रदेश, बागमती प्रदेश, गण्डकी प्रदेश र लुम्बिनी प्रदेशका थोरै स्थानहरूमा भारी वर्षाको सम्भावना रहेको तथा राती बागमती प्रदेश, गण्डकी प्रदेश, कर्णाली प्रदेश र सुदूर पश्चिम प्रदेशका एक - दुई स्थानमा भारी वर्षाको सम्भावना रहेको महाशाखाको अनुमान छ ।वर्षासँगै पहिरो तथा
झापा / उदयपुरको त्रियुगा नगरपालिका- ७ कुबिण्डेका ५० बर्षीय बौवा चापागाइँलाई त्रियुगा खोलाले बगाएर मृत्यु भएको छ । सोमवार बेलुका मुर्कुची बजारबाट घर तर्फ फर्कदै गरेका चापागाईँ बाटोमा रहेको त्रियुगा खोला तर्ने क्रममा अचानक खोलाले बगाएको भन्ने खबर प्राप्त भएसँगै तत्काल प्रहरी चौकी सुकौराबाट खटिएको प्रहरी टोलीले खोजतलास शुरु गरेको थियो । खोजतलासको क्रममा खोलाले बगाएका चापागाइँलाई बगाएको स्थान भन्दा करिव १ किलोमिटर तल मृत अवस्थामा फेला पारेको तथा घटना सम्बन्धमा अन्य थप अनुसन्धान भइरहेको जिल्ला प्रहरी कार्यालय उदयपुरले जनाएको छ ।
झापा / तेह्रथुमको छथर गाउँपालिका- ५ ठकुरी टोलका ५३ वर्षीय भक्त बहादुर भण्डारीको छोराको कुटपिटबाट मृत्यु भएको छ । आज बिहान सवा ६ बजेको समयमा भण्डारीका २४ वर्षीय छोरा टङ्क भण्डारीले अचानक धान कुट्ने मुस्लिले बुबालाई टाउकोमा प्रहार गरी घाईते बनाएको भन्ने खबर प्राप्त भएसँगै प्रहरी चौकी शुक्रवारेबाट प्रहरी टोली खटि गई घाईतेलाई उपचारको लागी छथर अस्पताल पठाएकोमा उपचारको क्रममा मृत्यु भएको हो । घटनामा संलग्न छोरा टङ्क भण्डारी तत्काल फरार रहेको र निजको खोजतलास भईरहेको जिल्ला प्रहरी कार्यालय तेह्रथुमले जनाएको छ ।
काठमाडौँ / ललितपुरको गोदावरीबाट २ लाख २१ हजार रूपैयाँसहित प्रहरीले १८ जना जुवाडेलाई पक्राउ गरेको छ । महाकाल गाउँपालिका –२ मानिखेल घर भई हाल गोदावरी नगरपालिका –१३ स्थित झरुवाराशी बस्ने ६६ वर्षीय बलराम घिमिरेको घरबाट जुवातास खेलिरहेको अवस्थामा घिमिरेसहित १२ जनालाई आइतबार राति प्रहरीले पक्राउ गरेको हो । घिमिरेको घरमा जुवातास खेलिरहेको भन्ने सूचनाको आधारमा प्रहरी वृत्त चापागाउँबाट खटिएको टोलीले उनीहरूलाई पक्राउ गरेको हो । पक्राउ परेका उनीहरूको साथबाट प्रहरीले २ लाख २१ हजार रुपैयाँ नगद, ३ बुक तास र १७ वटा कौडा बरामद गरेको छ । त्यस्तै सर्लाहीको बागमती नगरपालिका –३ धरहरास्थित घिस
काठमाडौँ / प्रमुख प्रतिपक्षी दल एमालेले महङ्गी र भ्रष्टाचारविरुद्ध काठमाडौँमा प्रदर्शन गरेको छ । सरकारले महङ्गी र भ्रष्टाचार नियन्त्रण गर्न नसकेको भन्दै नेकपा एमालेले सोमबार काठमाडौँमा प्रदर्शन गरेको हो ।सरकारका कारण महंगी, भ्रष्टाचार र बेथिति बढेको भन्दै एमालेले खबरदारीका लागि प्रदर्शन गरेको जनाएको छ । काठमाडौँका विभिन्न स्थानबाट एमालेको भ्रातृ सङ्गठनले निकालेको ¥याली वसन्तपुरमा पुगेको छ ।प्रदर्शनमा एमालेका नेता कार्यकर्तासहित अनेरास्ववियु, प्रदेश सम्पर्क कमिटी, खेलकुद महासंघ, किसान महासंघ, रिटर्नी फेडेरेशन, इन्जिनियरिङ एसोसियसन, अपाङ्ग संघ, ट्रेड युनियन महासंघ लगायतका भ्रातृ र शुभेच्छु
बिर्तामोड / भारतीय आयल कर्पोरेसन (आइओसी) ले नेपाल आयल निगमलाई पेट्रोलियम पदार्थको मूल्य घटाएर पठाएको छ । अन्तर्राष्ट्रिय बजारमा कच्चा तेलको मूल्यमा लगातार गिरावट आएसँगै आइओसीले नेपालमा पनि भाउ घटाएर पठाएको हो ।आइओसीले पठाएको नयाँ मूल्यसूची अनुसार डिजेल प्रतिलिटर १२ रुपैयाँ ४५ पैसा र पेट्रोल प्रतिलिटर १६ रुपैयाँ ८० पैसा घटेर आएको छ ।हाल निगमले प्रतिलिटर पेट्रोलको १८१ रुपैयाँ, डिजेल र मट्टितेल १७२ रुपैयाँ र हवाई इन्धन (आन्तरिक) १९० रुपैयाँमा बेच्दै आएको छ ।नयाँ मूल्य सूची अनुसार पेट्रोलमा प्रतिलिटर २ रुपैयाँ नाफा र डिजेलमा करिब १० रुपैयाँ घाटा हुने निगमले जनाएको छ । आइओसीले पेट्रोलियम पदार्
काठमाडौं / काठमाडौंको तारकेश्वर नगरपालिकास्थित काभ्रेस्थलीमा आज बिहान एकै परिवारका चार जना मृत भेटिएका छन् । मृत भेटिनेहरूमा ४१ वर्षीय दिनेश पाण्डे, उनकी श्रीमती ३९ वर्षीया सुनिता पाण्डे, १३ वर्षीया छोरी आशिका पाण्डे र ८ वर्षीय छोरा आसिक पाण्डे रहेको काठमाडौंका प्रहरी प्रमुख भरत बोहोराले जानकारी दिए । घटनाबारे थप अनुसन्धान भइरहेको प्रहरीले जनाएको छ ।
Copyright © 2021 / 2026 / Esoul Media (P) Ltd. / All Rights Reserved.
