झापा । झापाको विर्तामोडमा मंगलबार गौरीशंकर खड्का स्मृति प्रतिष्ठानद्वारा आयोजित १२ औं स्मृति सभालाई सम्बोधन गर्दै नेकपा माओवादी केन्द्रका उपमहासचिब हरिबोल गजुरेलले राष्ट्रिय सहमतिमा राष्ट्रपति चयन हुनुपर्ने बताएका छन् ।
गजुरेलले दीगो समाधान भनेकै सहमति र सहकार्य भएकाले सहमतिको बाटो अवलम्बन गर्नु अहिलेको आवश्यकता भएको बताए ।
केन्द्रीय सचिब तथा प्रदेश १ का इन्चार्ज राम कार्कीले गौरीशंकरको स्मरण गर्दै पूर्वको आन्दोलन र परिवर्तनका निम्ति गौरीशंकरले खेलेको भूमिका र उनको योजनाले नै अहिलेसम्म पार्टी र संगठनलाई यहाँसम्म ल्याइपुर्याएको बताए ।
कार्यक्रममा माओवादीका पोलिटब्युरो सदस्य अजम्बर राईले कम्युनिष्टहरु कमजोर हुनुका पछि आचरण विग्रिदै गएको मुख्य कारण भएको बताए । कम्युनिष्टहरुले आचरण र कार्यशैली सुधार्न आवश्यक रहेको बताए ।
कार्यक्रममा धर्मशीला चापागाई, झलकसिंह दर्लामी, गगन पुरि, संविधान सभा सदस्य पूर्णसिंह राजवंशी, प्रदेश सभासद् बन्दना झाँगड लगायतको उपस्थिति थियो । प्रतिष्ठानका अध्यक्ष पुरुषोत्तम चुडाल (राजु) को अध्यक्षतामा भएको कार्यक्रमको संचालन प्रतिष्ठानका सचिव रमेश गुरागाईले गरेका थिए भने स्वागत मन्तव्य पार्टीका झापा जिल्ला अध्यक्ष राजु आचार्य(अग्नी) ले गरेका थिए ।
कार्यक्रममा गौरीशंकर खड्काका परिवार सहित माओवादी नेता कार्यकर्ता लगायतको उपस्थिति रहेको थियो ।