काठमाडौँ / नेकपा एमालेले प्रतिनिधिसभा र प्रदेशसभामा निर्वाचित सांसदहरूको भेला बोलाएको छ ।
एमाले नेता तथा प्रचार विभाग उपप्रमुख विष्णु रिजालका अनुसार पुस ५ गते काठमाण्डुको कमलादीमा भेला आयोजना गरिएको हो ।
उनले प्रतिनिधि सभासहित सातै प्रदेशका सांसदहरूलाई भेलामा सहभागिताका लागि पत्राचार गरिएको जानकारी दिए । भेलामा सहभागीहरूलाई पार्टीका शीर्ष नेताहरूले प्रशिक्षण दिने जनाइएको छ ।
नेकपा एमालेबाट प्रतिनिधि सभामा प्रत्यक्षतर्फ ४४ र समानुपातिकतर्फ ३४ गरी ७८ जना निर्वाचित भएका छन् भने प्रदेश सभामा दुवै निर्वाचन प्रणालीबाट १६१ जना निर्वाचित भएका छन् ।
