काठमाडौँ / नेकपा एमालेका उपाध्यक्ष विष्णु पौडेललाई निर्वाचित गर्ने निर्णय बदर गर्न माग गर्दै सर्वोच्च अदालतमा रिट निवेदन दर्ता भएको छ।
मंसिर ४ गते भएको रूपन्देही –२ को निर्वाचन परिणाम बदरको माग गर्दै राष्ट्रिय स्वतन्त्र पार्टीका उम्मेदवार गणेश पौडेलले रिट दायर गरेका हुन्।
उनले संवैधानिक इजलासमा मतगणनाको माग गर्दै रिट दायर गरेका छन् । रुपन्देही –२ को निर्वाचन अधिकृतको कार्यालयले नेकपा एमालेका उम्मेदवार पौडेललाई अनियमित रुपमा निर्वाचित भएको घोषणा गरेको उनको जिकिर छ ।
साथै धनुषा क्षेत्र नम्बर –२ मा नेपाली कांग्रेसका उम्मेदवार रामकृष्ण यादव विजयी भएका थिए। यादवले २० हजार १ सय १२ मत ल्याएका थिए। यहाँ निकटतम प्रतिद्वन्द्वी नेकपा एमालेका उमाशंकर अरगरियाले १९ हजार ९ सय ५५ मत ल्याएका थिए।
यो क्षेत्रमा पनि धाँधली गरेर कांग्रेसका यादवलाई जिताएको दाबीसहित एमालेका अरगरियाले सर्वोच्चमा मुद्दा दिएका छन्। दुवै रिट मंगलबार सर्वोच्चमा दर्ता गरिएका हो ।