बिर्तामोड / राष्ट्रिय स्वतन्त्र पार्टीले झापाका पाँच वटै निर्वाचन क्षेत्रमा मनोनयन दर्ता गराएको छ ।
आगामी मंसिर ४ मा हुने प्रतिनिधिसभा निर्वाचनका लागि उक्त पार्टीले झापाका पाँच वटै निर्वाचन क्षेत्रमा मनोनयन दर्ता गराएको हो ।
राष्ट्रिय स्वतन्त्र पार्टीको तर्फबाट झापा क्षेत्र नम्बर –१ मा ओमनाथ भण्डारी, झापा –२ मा रुद्र प्रसाद गिरी, झापा –३ मा प्रकाश पाठक, झापा –४ मा शम्भु प्रसाद ढकाल र झापा –५ मा सुरेश कुमार पोखरेलले मनोनयन दर्ता गराएका छन् ।
मनोनयन दर्ता गराउने सबै उम्मेदवार ५५ वर्ष भन्दा मुनिका रहेका छन् । राष्ट्रिय स्वतन्त्र पाटीबाट कति जना संसद् भवन पुग्न सफल हुन्छन् त्यो हेर्न भने मंसिर ४ कुर्नै पर्ने हुन्छ ।