बिर्तामोड / नेकपा एमालेका जिल्ला तथा सचिवालय सदस्य डम्बरबहादुर गिरीले नेकपा एमाले परित्यागको घोषणा गरेको छन् । गिरीले आज सामाजिक सञ्जाल फेसबुक मार्फत पार्टी परित्याग गरेको जानकारी दिएका हुन् । झापा ३ मा एमालेले राप्रपाका अध्यक्ष राजेन्द्र लिङ्देनलाई गठबन्धनबाट उम्मेदवार बनाएपछि गिरीले नेकपा एमाले परित्यागको घोषणा गरेका हुन् ।
" उनले लेखेका छन् ‘विगत २०६२/०६३ को जनआन्दोलनसँगै मुलुकलाई संघीय लोकतान्त्रिक गणतन्त्रको रुपमा रूपान्तरण गर्ने अभियानमा नेकपा एमाले मार्फत सङ्गठित भएर नेकपा एमालेको साविक जलथल गाउँ कमिटी अध्यक्ष, क्षेत्रीय कमिटी क्षेत्र नं ३ को अध्यक्ष, युवा संघ नेपाल झापाको अध्यक्ष हुँदै हाल नेकपा एमाले झापा जिल्ला कमिटी सचिवालय सदस्य एवम् क्षेत्र नं ३ को सचिव समेतको जिम्मेवारीमा रहेको सर्वविदित्तै छ ।’
अहिलेको राष्ट्रिय आवश्यकता आर्थिक सामाजिक रूपान्तरणको माध्यमबाट समाजवादका आधारहरू निर्माण गर्दै समृद्ध नेपाल, सुखी नेपालीको राष्ट्रिय आकाङ्क्षालाई साकार पार्नका लागि गठबन्धन होइन बलियो राष्ट्रिय शक्ति आजको आवश्यकता हो । त्यसका लागि नेकपा एमालेले नेतृत्व गर्नुपर्छ भन्ने आम नेपाली जनताहरूको चाहना विपरित झापा क्षेत्र नं ३ मा पुरातन पञ्चायती शैलीको पार्टी राप्रपासँग तालमेल गर्ने निर्णय आम पार्टी नेता कार्यकर्ता, समर्थक र शुभचिन्तकको चाहना र मुलुकको हित विपरित रहेको ठहर गर्दै नेकपा एमालेको सबै जिम्मेवारीबाट आजकै मितिबाट राजीनाम गरेको घोषणा गर्दछु '' ।