कनकाई / नेपाली कांग्रेस कनकाई नगरपालिका वडा नं–९ का क्रियासिल कार्यकर्ताको भेलाले गणेशप्रसाद उप्रेतीको सभापतित्वमा नयाँ कार्य समिति चयन गरेको छ ।
उक्त कार्य समितिको उपसभापतिमा शिव राजवंशी र लता श्रेष्ठ, सचिवमा राजेन्द्र आङबुहाङ र भोलानाथ मिश्र, सहसचिवमा जीवनकुमार श्रेष्ठ र दिवस पराजुली सर्वसम्मत चयन भएका छन् ।
त्यस्तै सदस्यहरूमा युवराज मिश्र, गणेशचन्द्र राजवंशी, भक्तबहादुर तिम्सिना, लैनबहादुर भण्डारी, छत्रबहादुर सिवा, तीर्थकुमार नेपाल, सुस्मिता खड्का, लक्ष्मी दाहाल पाण्डे, मानबहादुर श्रेष्ठ, रचना प्रसाई, टहलबहादुर राजवंशी, दुर्गाचरण राजवंशी चयन भएका छन् ।
नवगठित समितिका पदाधिकारीहरूलाई कार्यक्रमका प्रमुख अतिथि एवं कांग्रेस केन्द्रीय सदस्य केशवकुमार बुढाथोकीले पद तथा गोपनियताको शपथ गराएका थिए ।
भेलाले आसन्न प्रदेशसभा र प्रतिनिधिसभा निर्वाचनलाई लक्षित गर्दै प्रेमप्रसाद राजवंशी, नारायणप्रसाद नेपाल, शान्ता चुडाल, झुमा आचार्य बेडारी, ढुण्डिराज ढकाल, तारादेवी थपलिया, सुरेश बास्के, मिनाकुमारी राजवंशी र मुना शिवा रहेको संगठन परिचालन समिति समेत गठन गरेको छ ।
