खोटाङ / ३० जेठमा हुने जिल्ला समन्वय समिति खोटाङको निर्वाचनका लागि प्रमुखमा दुई जनाको मनोनयन दर्ता भएको छ ।
गठबन्धनबाट जसपाका सनबहादुर राई र एमालेबाट किशोरकुमार श्रेष्ठको मनोनयन दर्ता भएको हो ।
त्यस्तै जिससको उपप्रमुखका लागि गठबन्धनबाट माओवादी केन्द्रका सुरेश तामाङ र एमालेबाट सन्तोष राईको मनोनयन दर्ता भएको छ ।
खुला सदस्यमा गठबन्धनबाट कांग्रेसका दुर्गाप्रसाद घिमिरे, ज्ञानेन्द्र राई, मोहन सुप्तीहाङ राई, महिला सदस्यमा कांग्रेसकी कला राई, माओवादी केन्द्रकी विष्णु मायाँ राई र नेकपा एकीकृत समाजवादीकी दिलकुमारी राई तथा दलित सदस्यमा माओवादी केन्द्रकी चमेली बिश्वकर्माको उम्मेदवारी दर्ता भएको छ ।
एमालेले जिसस सदस्यमा भने मनोनयन दर्ता नगराएको मुख्य निर्वाचन अधिकृतको कार्यालयले जनाएको छ ।
