भोजपुर / नेकपा (माओवादी केन्द्र) भोजपुर जिल्ला कमिटीले पार्टीको नीति, निर्णय र निर्देशन विपरित गठबन्धन भन्दा बाहिरको दलको चुनाव चिन्ह लिएर मनोनयन दर्ता गरेको भन्दै तीन जनालाई कारबाही गरेको छ।
भोजपुर नगरपालिकाका मोहनसेन राई, षडादन्द नगरपालिकाका शेखर तामाङ र ओमकुमार श्रेष्ठलाई पार्टीले कारवाही गरेको हो ।
पार्टीको निर्णय विपरित आसन्न स्थानीय तहको चुनावमा मनोनयन गरेको भन्दै उनीहरूलाई पार्टीको साधारण सदस्य समेत नरहने गरी कारबाही गरेको माओवादी केन्द्र भोजपुरका संयोजक नरेन्द्र भुजेल (शैलेन्द्र) ले जानकारी दिए ।
संयोजक भुजेलका अनुसार यसरी पार्टीको निर्णय विपरित जाने जुनसुकै तहका नेतालाई समेत अनुशासनको कारबाही गरिने छ । भुजेलले आफ्नो उम्मेदवारी फिर्ता लिएर पार्टीको काममा फर्किए पुनर्विचार गर्ने समेत बताएका छन् ।
