बिर्तामोड / झापाको कचनकवल गाउँपालिका –५ बाट ब्राउन सुगरसहित प्रहरीले दुई जनालाई पक्राउ गरेको छ ।
पक्राउ पर्नेमा कचनकवल गाउँपालिका –७ बस्ने २४ वर्षीय विनोद बस्नेत र सोही ठाउँको १८ वर्षीय निखिल रेग्मी रहेका छन् ।
मंगलबार बेलुका ५ बजे प्रहरी चौकी पाठमारीबाट खटिएको टोलीले शंका लागी चेक जाँच गर्ने क्रममा कचनकवलबाट उनीहरूलाई पक्राउ गरेको हो ।
पक्राउ परेका उनीहरूको साथबाट प्रहरीले पाँच ग्राम छ मिलिग्राम ब्राउनसुगर बरामद गरेको जिल्ला प्रहरी कार्यालय झापाका प्रहरी नायब उपरीक्षक (डीएसपी) बसन्त पाठकले जानकारी दिए ।
