काठमाडौँ / ला लिगा फुटबलमा सेभिल्लाले काडिचलाई पराजित गरेको छ ।
गएराति भएको खेलमा सेभिल्लाले काडिचमाथि १- ० को साँघुरो जित निकालेको हो ।
पहिलो हाफ गोलरहित बराबरीमा सकिएको खेलमा सेभिल्लाका लागि खेलको ५८ औँ मिनेटमा लुकास काम्पोसले गरेको गोल नै निर्णायक बन्यो ।
जितसँगै सेभिल्लाले शीर्ष स्थानमा रहेको रियल मड्रिडसँगको अङ्क दूरी घटाएको छ । ला लिगाको दोस्रो स्थानमा रहेको सेभिल्लाको १९ खेलबाट ४१ अङ्क भएको छ, भने शीर्ष स्थानमा रहेको रियल मड्रिडको २० खेलबाट ४६ अङ्क छ ।
रेलिगेसन जोनमा रहेको काडिचको १९ खेलबाट १४ अङ्क छ ।
