बिर्तामोड / झापा र सुनसरीको दुई छुट्टाछुट्टै स्थानमा सोमवार भएको सवारी दुर्घटनामा परी दुई जनाको मृत्यु भएको प्रहरीले जनाएको छ ।
झापाको, झापा गाउँपालिका १ रसुनामा हिजो बिहान भएको सवारी दुर्घटनामा घाईते भएका बिरगंञ्ज नगरपालिका ५ बाराका २२ वर्षीय गनिया अब्दुल मियाको उपचारको क्रममा बेलुका साँढे ७ बजे अस्पतालमा मृत्यु भएको छ ।
सोमवार राती साँढे ६ बजेको समयमा धरान -१५ को आरालाईनमा रोकी राखेको ना ७ ख ११५८ नम्बरको ट्रकमा वा ५८ प ८३२८ नम्बरको मोटरसाइकल आफै ठोकिएर दुर्घटना हुँदा चालक भक्तपुर घर भई धरान -१५ बस्ने ४२ वर्षीय राजेश सिजापती घाईते भएका थिए । घाइतेलाई उपचारको लागी घोपा लगिएकोमा उपचारको क्रममा राती नै मृत्यु भएको छ । दुबै घटनाको सम्बन्धमा प्रहरीले थप अनुसन्धान गरिरहेको छ ।
