झापा / दाङको तुलसीपुरमा लागूऔषध ब्राउन सुगरसहित पाँच जना पक्राउ परेका छन् ।
पक्राउ पर्नेमा तीन महिला र दुई पुरूष छन् । तुलसीपुर उपमहानगरपालिका वडा नं ५ की १९ वर्षीया मन्दिरा थापा, सोही वडाकै १९ वर्षीया दिपु नेपाली, तुलसीपुर ६ बरुवागाउँका २९ वर्षीय रूद्रमणि पोखरेल शर्मा, सोही ठाउँकी २४ वर्षीया उर्मिला चौधरी र तुलसीपुर ७ को सागरनगर टोलका ३० वर्षीय कैलाश नेपाली रहेका छन् ।
दुई दिनको अवधिमा यी पाँच जना पक्राउ परेको प्रहरीले जनाएको छ ।
इलाका प्रहरी कार्यालय तुलसीपुरका प्रमुख डिएसपी श्यामु अर्यालले ५ ग्राम ७१० मिलिग्राम ब्राउन सुगर बरामद भएको जानकारी दिएका छन ।
यहीँ महिना मात्रै प्रहरीले तुलसीपुर क्षेत्रबाट २४ जना जतिलाई ब्राउन सुगरसहित पक्राउ गरि सकेको जनाएको छ ।
पछिल्लो सयम तुलसीपुरमा किशोर किशोरीहरु समेत लागूऔषधको कुलतमा फस्दै गएको प्रहरी बताउँछ ।
