काठमाडौं / भारतको उत्तर प्रदेशका ३१ वर्षीय मोहम सालिम र काठमाडौँकी कविता नाम परिवर्तन यूएईमा एउटै कम्पनीमा काम गर्थे सँगै काम गर्दा भएको चिनजान चिनजानमा मात्र सीमित भएन उनीहरू बिचको चिनजान प्रेममा परिणत भयो ।
पे्रम झाँगिदै गर्दा उनीहरूबीच शारीरिक सम्बन्ध पनि भयो । त्यतिबेला सालिमले कवितासँगको अन्तरंग तस्वीर खिचेको कुरा कवितालाई थाहा भएन कविता त्यसबारे जानकार थिइनन् ।
पारिवारिक समस्या हो वा उनको व्यक्तिगत धारण कविता नेपाल फर्किएपछि सालिमसँग टाढा हुन थालिन् । ‘तर यो कुरा सालिमलाई परेन , कविता बोल्न छाडेपछि पहिले खिचेको अन्तरंग तस्वीर देखाएर ब्ल्याकमेल गर्न थाले’ काठमाडौं प्रहरी परिसर, टेकुका एक अनुसन्धान अधिकृत भन्छन्, ‘आफन्तलाई पठाइदिने भन्दै धम्की आउन थालेपछि हामी कहाँ उजुरी पर्यो ।’
सालिमले उनलाई भेट्ने प्रस्ताव गरे । त्यहीबेला प्रहरीसँगको सहयोग लिन पुगिसकेकी कविताले उनलाई नेपाल बोलाइन् । त्यसपछि कवितालाई भेट्ने भन्दै काठमाडौंको एक होटलमा आएका सालिम त्यहीँबाट पक्राउ परे ।
अहिले उनीविरुद्ध विद्युतीय अपराध ऐन, अनुसार ५ दिन म्याद थप गरेर काठमाडौं प्रहरीले विस्तृत अनुसन्धान गरिरहेको छ ।
