उदयपुर / उदयपुर प्रहरीले बेवारिसे अवस्थामा रहेको ठूलो परिमाणको गाँजा बरामद गरेको छ ।
इलाका प्रहरी कार्यालय कटारीको टोलीले स्थानीय बैजनाथ र तावा खोला दोभानमा बोरामा बेवारिसे गाँजा फेला पारी बरामद गरेको हो ।
प्रहरी नायब निरीक्षक सई कमान्डको गस्ती टोली खोला दोभानमा पुग्दा लडिरहेको भरी बोरा भेटाएर खोली हेर्दा गाँजा भरिएको अवस्थामा भेटेर बरामद गरेको इ प्र का कटारीलाई उद्धृत गर्दै जिल्ला प्रहरी कार्यालय उदयपुरले जनाएको छ ।
बरामद गाँजा इ प्र का कटारीमा ल्याएर राखिएको छ । २४ किलो तौल गाँजा त्यहाँ कस्ले ल्याएर छाडेको भन्ने यकिन अहिलेसम्म भइनसकेको प्रहरीले जनाएको छ ।
अवैध गाँजा कारोबारी समूहले ओसारपसार गर्ने क्रममा मूलबाटो छलेर चोरबाटो लाँदै गर्दा प्रहरी देखेपछि फ्याँकेर भागेको अनुमान प्रहरीको छ ।
कटारी र सिराहा बीचको चुरे जङ्गल भएर चोरबाटो हुँदै यसअघि पनि गाँजा ओसारपसार हुने गरेको अवस्थामा बेलाबेला तस्कर पक्राउ पर्ने गरेको प्रहरी भनाई छ ।
