बलेवा
/ बागलुङमा भ्रूणहत्या गरेको आरोपमा एक युवती पक्राउ परेकी छन् । पक्राउ पर्नेमा जैमिनी
नगरपालिका–१० बस्ने २६ वर्षीया युवतीले रहेको जिल्ला
प्रहरी कार्यालय बाग्लुङले जानकारी दिएको छ ।
युवतीले
औषधि सेवन गरेर चार महिनाको पुरुष भ्रूण जन्माई घरदेखि ५० मिटर टाढा बारीमा गाडेको
अवस्थामा भेटिएपछि पक्राउ गरी अनुसन्धान थालिएको प्रहरी नायब उपरीक्षक इकवाल
हवारीले बताएका छन् ।
“शनिबार दिउँसो स्थानीयवासीले
देखेपछि बरेङ प्रहरी चौकीमा खबर गर्नुभयो, त्यहाँ प्रहरी पुग्दा रातो
टालोमा भ्रूण राखेर गाडेको अवस्थामा थियो”, हवारी भन्छन्, “स्थानीयवासीकै
आशङ्काका आधारमा हामीले उनलाई पक्राउ गरेका हौँ ।” ती महिलाका श्रीमान् तीन
वर्षदेखि रोजगारीको सिलसिलामा साउदी अरेबियामा छन् ।
केही
दिनदेखि असामान्य व्यवहार देखाएपछि छिमेकीले उनको निगरानी गरेका थिए । भ्रूणहत्या
गरेर घरमै बसेकी उनलाई प्रहरीले शनिबार राति नै सदरमुकाम ल्याएको छ ।
आज बिहान उनको स्वास्थ्य परीक्षण गरेर थप अनुसन्धान थालिने हवारीले बताएका छन्।
