इटहरी / मोरङको सुन्दरहरैचामा अत्याधुनिक मेसिनगन (एसएमजी) देखाउँदै एक सुन पसल लुट्ने प्रयास
भएको छ । तीन जनाको समूहले सुन्दरहरैचा १०मा रहेको त्रिवेणी चौकबाट सुन पसल लुट्न प्रयास
गरेको हो।
प्रहरीका
अनुसार शिव पाञ्चायन ज्वेलर्समा शुक्रबार दिउँसो उक्त समूहले लुटपाटको प्रयास
गरेको र सञ्चालक खगेन्द्र थापाका अनुसार उनकी श्रीमती बाहिर गएर चोर आयो भनेर
चिच्याउन थालेपछि मानिसहरु जम्मा भए पछि उनीहरु बन्दुक देखाउँदै भागेको भिडियो
सिसिटिभी क्यामेरामा कैद भएको थियो ।
उनीहरूले
मोटरसाइकलको नम्बर प्लेट छोपेको बताइएको छ । सुरुमा उनीहरुले पेस्तोल देखाएका थिए
भने पछि एसएमजी देखाएका छन् ।
प्रहरीले
सुन पसलको सिसिटिभी फुटेज अनुसन्धान गर्दा हतियार देखिएको तर हतियार सक्कली वा
नक्कली भन्ने पुष्टी नभएको प्रहरीले जनाएको छ । जिल्ला प्रहरी कार्यालय मोरङले
लुटेरा समूहको खोजी भइरहेको जनाएको छ । आधुनिक हतियार एसएमजी उनीहरुको हातमा कसरी
आयो भन्ने बारेमा पनि प्रहरीले अनुसन्धान थालेको छ ।
इलाका प्रहरी कार्यालय बेलबारीका प्रहरी निरीक्षक सरोज खनालका अनुसार उनीहरू मोटरसाइकलमा आएका थिए ।
