काठमाडौं । प्रतिनिधिसभाको अधिवेशन फागुन २३ गते अपरान्ह ४ बजे बोलाउन सरकारले सिफारिस गरेको छ । आज बसेको मन्त्रिपरिषद् बैठकले राष्ट्रपति समक्ष अधिवेशन आह्वानको सिफारिस गरेको हो ।
राष्ट्रपति कार्यालयलाई सरकारले अधिवेशन आह्वानको सिफारिस पत्र पठाएको छ । संविधानको धारा ९३ अनुसार राष्ट्रपतिले अधिवेशन आह्वान गर्ने छन् ।
यसअघि मन्त्रिपरिषद् बैठकले अधिवेशन सिफारिस गरेको चर्चा चलेको थियो । तर, त्यस बैठकमा प्रस्ताव मात्र गरिए पनि आजको बैठकले अधिवेशन आह्वानका लागि सिफारिस गरेको हो ।
