पाँचथर / पाँचथरको याङवरक गाउँपालिका –४ काबेली खोलामा पौडी खेल्न गएका २ बालक खोलाले बगाएर बेपत्ता भएका छन् । बेपत्ता हुनेमा सोही स्थानका १६ वर्षीय लक्ष्मण योङहाङ र १३ वर्षीय बिपल योङहाङ रहेका छन् । आइतबार दिउँसो साढे १२ बजे ६ जनाको समुहमा पौडी खेल्न गएका उनीहरू मध्ये लक्ष्मण र बिपल खोलाले बगाई बेपत्ता भएका हुन् । घटनाको जानकारी पाए लगतै जिल्ला प्रहरी कार्यालय पाँचथरबाट प्रहरी नायब उपरीक्षकको कमान्डमा उद्धार सामाग्री सहितको टोली खटि गई खोजतलास भइरहेको छ ।घटनाको सम्बन्धमा थप अनुसन्धान भइरहेको जिल्ला प्रहरी कार्यालय पाँचथरले जनाएको छ ।
काठमाडौँ / हिमाली नवीन समाजले हुम्लाका नौ जना बालबालिकाको उद्धार गरि परिवारलाई जिम्मा लगाएको छ । लामो समयदेखि बालबालिकाको क्षेत्रमा काम गर्दै आएको समाजले आइतबार प्रमुख जिल्ला अधिकारी र स्थानीय जनप्रतिनिधिको रोहबरमा राम्रो शिक्षा दिने प्रलोभनमा पारेर काठमाडौँ लगिएका खार्पुनाथ र आदानचुली गाउँपालिका बालबालिकालाई परिवारको जिम्मा लगाएको हो । आवासीय बालगृह सञ्चालन तथा व्यवस्थापनसम्बन्धी मापदण्ड, २०६९ विपरीत सञ्चालन रहेको हुँदा गत फागुन १९ गते काठमाडौँको तारकेश्वर नगरपालिका –६ मा रहेको धर्मस्थलीस्थित लाइट फर नेशनल बालगृहबाट उनीहरूलाई उद्धार गरिएको हो । राष्ट्रिय बाल अधिकार परिषद
काठमाण्डौँ / काठमाडौं उपत्यकाभित्र चल्ने सार्वजनिक तथा निजी सवारी साधनमा जोर–बिजोर प्रणाली हटाइएको छ। निषेधाज्ञा भने असार ३१ गतेसम्म जारी रहेको प्रमुख जिल्ला अधिकारीहरूले बताएका छन्।निषेधाज्ञामा सार्वजनिक यातायातमा सिट क्षमताभन्दा बढी यात्रु राख्न पाइने छैन भने मास्कलगायत स्वास्थ्यका मापदण्ड अनिवार्य रूपमा पालना गर्नुपर्नेछ। सफा टेम्पो र निलो माइक्रो पनि सञ्चालन गर्न पाइने भएको छ। यसअघि २५ सिट क्षमताभन्दा बढीका सवारी साधन मात्रै चलाउन दिइएको थियो।माइक्रोको तेस्रो सिटमा चार–चार जनाका दरले ८ जना र चालक छेउमा एक जना गरी ९ जना यात्रुभन्दा धेरै बोक्न पाइने छैन।सभा, सम्मेलन तथा कुनै प्रकारको भिडभाड
काठमाण्डौ / काठमाण्डौ उपत्यकामा बिहान भूकम्पको महसुस भएको छ ।राष्ट्रिय भूकम्प मापन केन्द्रका अनुसार ६ बजेर ३२ मिनेटमा काठमाडौंको कुलेश्वर आसपास केन्द्रबिन्दु भएर ३ .२ म्याग्निच्युडको धक्का मापन गरिएको राष्ट्रिय भूकम्प मापन तथा अनुसन्धान केन्द्रले जानकारी दिएको छ।विनाशकारी ‘गोरखा भूकम्प’ कै परकम्प भएको केन्द्रले जनाएको छ ।
बिर्तामोड / गृहमन्त्री विष्णुप्रसाद पौडेलले बाढी, पहिरोबाट क्षति भएका ५ सय ७२ परिवारलाई ५० हजारका दरले राहत दिने बताएका छन् । आइतबार राष्ट्रिय सभाको बैठकमा बोल्दै मन्त्री पौडेलले यो वर्ष मनसुनको प्रभावबाट असार १६ गतेसम्म घरमा क्षति पुगेका परिवारलाई अस्थायी बसोबासका लागि ५० हजारका दरले राहत दिइने जानकारी गराएका हुन् ।मन्त्री पौडेलले भने, ‘यो वर्ष असार १६ गतेसम्म पूर्ण तथा आंशिक घर क्षति भएका ५ सय ७२ परिवारका लागि अस्थायी बसोबास गर्न प्रतिपरिवार ५० हजारका दरले २ करोड ८६ लाख रुपैयाँ उपलब्ध गराउने प्रक्रिया अघि बढाइएको छ ।’उनले यो वर्ष मनसुनबाट सिर्जना भएको प्राकृतिक विपत्तिबाट ५ सय ६५ घरमा प
बिर्तामोड / ढल बनाउने विषयमा विवाद हुँदा मेचीनगर –१३ का वडा अध्यक्ष कृष्णराज सिग्देल र सोही ठाउँका अर्जुन थेबे दुवैले आफूमाथि आक्रमण भएको बताएका छन्। जेसिबि लिएर ढल बनाउन चारआली आएका सिग्देल र थेबे बीच शुक्रबार बिहान हात हालाहाल भएको थियो । सोही क्रममा दुवैजना सामान्य घाइते भएका थिए। थेबेको टाउकोमा चोट लागेको छ। त्यस ठाउँका १२ वटा घर डुबानमा परेको विषयमा वादविवाद हुँदा स्थानीय अर्जुन थेबेले वडाध्यक्ष सिग्देललाई कुटपिट गरेको उनले बताएका छन्। दुवैले स्थानीय अस्पतालबाट उपचार लिएका छन्।घटना विवरण अनसार भारी वर्षाका कारण मेचीनगर वडा नं. १३ को चारआलीस्थित काँकरभिट्टा रोडमा १२ घर डुबा
उदयपुर / उदयपुरको चौदण्डीगढी नगरपालिका –७ मदन चोकका ६५ वर्षीय गुमशेर राईको खोलाले बगाएर मृत्यु भएको छ।शनिबार दिउसो १२ बजे सोही स्थानमा रहेको द्दवार खोला तर्ने क्रममा राई खोलाले बगाएर बेपत्ता भएका थिए। घटनाको जानकारी पाए लगत्तै इलाका प्रहरी कार्यालय बेल्टारको प्रहरी टोलीले खोजतलास गर्ने क्रममा राईको शव फेला पारेको थियो। राईले खोला तरेको स्थानबाट अन्दाजी २०० मिटर दक्षिणमा शव फेला परेको प्रहरीले जनाएको छ।
इलाम / इलाममा माछा मार्ने क्रममा करेन्ट लागेर एकको मृत्यु भएको छ। मृत्यु हुनेमा माङसेबुङ गाउँपालिका –५ का ४२ वर्षीय प्रवीन राई रहेका छन्। शनिबार बेलुका साढे ७ बजे विजुलीको तार जोडी गङटे खोलामा माछा मार्ने क्रममा करेन्ट लागेर गम्भिर घाईते भएका थिए। राईको अस्पताल लैजाँदै गर्दा बाटैमा मृत्यु भएको जिल्ला प्रहरी कार्यालय इलामले जनाएको छ।घटनाको सम्बन्धमा थप अनुसन्धान भइरहेको जिल्ला प्रहरी कार्यालयले जनाएको छ।
काठमाडौँ / ललितपुरको गुसिटोलमा एक पुरुष मृत अवस्थामा फेला परेका छन् । प्रहरीका अनुसार भारत घर भएका ५९ वर्षीय सत्यनारायण भनिने पुरुष मृत फेला परेका हुन् ।भाडामा बस्दै आएको कोठामा घोप्टो परेको अवस्थामा उनको शव फेला पारेको महानगरीय प्रहरी परिसर ललितपुरकी एसएसपी किरण बज्रचार्याले जानकारी दिइन् । उनी सत्यनारायण इलेक्ट्रिकको काम गर्दै आएका थिए । केही समयदेखि एक्लै कोठामा बस्दै आएका थिए । राति साढे ८ बजेसम्म उनको एक जना मानिससँग फोनमा कुराकानी भएको खुलेको हो ।
इटहरी / लगातार परेको वर्षाका कारण इटहरीका अधिकांस ठाउँहरु जलमग्न भएका छन् । इटहरीको टेङ्ग्रा र बुढी खोलामा आएको बाढीले किनार र आसपासका क्षेत्रहरु डुबानमा परेका हुन् । इनरुवाको कुरुवा खोला भरिएर सडकबाटै बगेको छ । सो क्षेत्रमा आवतजावतमा समेत समस्या देखिएको छ । वर्षा सँगै खोलाहरुमा जल सतह बढेको छ । सुनसरी, बुढी, गडनलगायतका खोलामा जलस्तर बढ्दा आसपास किनारका वस्ती जोखिममा परेका छन् ।अहिलेसम्म डुबान तथा बाढी पसेका २ सय घर परिवारलाई सुरक्षित स्थानमा सारिएको इलाका प्रहरी कार्यालय इटहरीका प्रमुख प्रहरी नायब उपरीक्षक अर्जुन केसीले जानकारी दिए ।
Copyright © 2021 / 2024 / Esoul Media (P) Ltd. / All Rights Reserved.
